Markaðsakademían

OfurþjónustUnámskeið

Að skapa einstaka og eftirminnilega þjónustuupplifun fyrir viðskiptavini er lykilþáttur í árangri fyrirtækja. Góð þjónusta er í dag orðin sjálfsagður hlutur og verða því fyrirtæki að ganga mun lengra til að skara framúr. Þau þurfa að bjóða ofurþjónustu.  Fyrirtæki sem fara framúr væntingum uppskera ekki aðeins endurtekin kaup heldur laða ánægðir viðskiptavinir nýja inn, með því að segja frá upplifun sinni á netinu og í raunheimum. Lykillinn að meðmælum er að fara framúr væntingum og búa til jákvæða, einstaka og minnistæða upplifun fyrir viðskiptavini.

Á námskeiðinu er farið á hagnýtan hátt yfir það hvernig fyrirtæki geta skapað sér sérstöðu með ofurþjónustu. Í því samhengi er litið til þeirrar aðferðafræði sem farsæl fyrirtæki nota til að skapa sér sérstöðu, hvetja starfsfólk sitt til að ganga skrefinu lengra og uppskera fyrir vikið aukna sölu og ánægju.

Rýnt er í fjölmörg hagnýt dæmi frá íslenskum og erlendum fyrirtækjum sem þátttakendur geta innleitt strax í sínum störfum. Þá er farið yfir stefnumarkandi nálgun og mögulegar aðgerðir. Leitast er við að svara því hvað framúrskarandi fyrirtæki eru nákvæmlega að gera til að ná árangri í þjónustu, og hvernig.

Kynnt er hvernig Disney, Apple, Starbucks, Nordstrom, Ritz Carlton, fyrirtækin sem skora hæst í Íslensku ánægjuvoginni og fleiri farsæl þjónustufyrirtæki haga sínum málum.

Næstu námskeið:

  • Akureyri: 19. október, milli kl 13:00 og 17:00. Háskólanum á Akureyri (L201)
  • Reykjavík: 12. nóvember, milli kl 17:30 og 21:30. CenterHotel Plaza við Ingólfstorg. Fundarherbergið Eldfell. 
  • Kennari: Guðmundur Arnar Guðmundsson, Markaðsstjóri og stundarkennari við Háskólann í Reykjavík.
  • Verð: 39.900 kr. per. þátttakanda. Innifalið er súpa og kaffiveitingar ásamt námskeiðisgögnum. Hafið samband við Klöru, klara@markadsakademian.is, fyrir hópafslátt þegar fjórir eða fleiri eru bókaðir saman. (greiðsluskilmálar)

Á námskeiðinu er m.a. fjallað um:

  • Mikilvægi vörumerkja, breytt kaupferli og samskipti á samfélagmiðlum, ásamt því hvernig neytendur skynja og meta samskipti fyrirtækja.
  • Hvernig Disney, Blue ocean og Uncommon Service aðferðafræðin getur hjálpað okkur að skapa sérstöðu.
  • Ferli við að skapa einstaka þjónustuupplifun fyrir viðskiptavini með því að huga að öllum snertipunktum.
  • Hvernig við sköpum ofurþjónustu.
  • Hvernig við getum virkjað og hjálpað starfsfólki fyrirtækisins að skilja mikilvægi þess að fara fram úr væntingum.
  • Eftirfylgni, hvatningu og hvernig við getum mælt árangurinn.

Námskeiðið er fyrst og fremst hagnýtt og uppfullt af raunsögum. Jafnframt eru kynntar fjölmargar bækur og aðferðafræði við að skapa ofurþjónustu.  T.a.m. frá Disney management institute, Blue ocean startegy, Uncommon service,  Union square hospitality group, Fish!, The experience econommy, Ideo: Design thinking og Ritz carlton leadership center o.fl.

Fyrir hverja:

Námskeiðið er fyrir alla sem stjórna, móta eða hafa áhrif á þjónustuupplifun viðskiptavina fyrirtækja af öllum stærðum, og í öllum atvinnugreinum. 

Starfsmenn frá eftirfarandi fyrirtækjum eru á meðal þeirra sem hafa sótt námskeiðið: 

Aðalskoðun hf.  Air Iceland Connect, Almenna leigufélagið ehf., Almenni lífeyrissjóðurinn, Arion banki, BYKO, Efnalaugin Björg ehf, A4-Egilsson ehf, Fishhouse ehf, Fjallakofinn, Frakt flutningsmiðlun ehf, Gagnaveita Reykjavíkur, Glófi ehf, Hellaferðir slf., Hótel Laki, Húsafell resort, Húsasmiðjan,  Jarðböðin Hf, Jötunn Vélar ehf, Keahotels ehf, Kjötsmiðjan ehf., Landsbankinn, Landsnet hf., Motus, Origo, Orkuveita Reykjavíkur, PLT ehf, Reiknistofa bankanna, Ritari ehf., Samgöngustofa, Suzuki bílar hf, Tannval ehf, Tengi ehf, Verkfræðistofan Vista, Vetrarsól ehf., Vettvangur vefstofa, WeDo - Heimkaup

Hér eru dæmi um nokkrar bækur sem vitnað er í á námskeiðinu:

Kennari

Guðmundur Arnar Guðmundsson
er markaðsstjóri og kennir markaðsfræði og vörumerkjastjórnun við Háskólann í Reykjavík. Hann er hagfræðingur að mennt, auk þess að vera með MBA í markaðsfræðum og hefur víðtæka reynslu af markaðsmálum og uppbyggingu vörumerkja. Guðmundur hefur starfað sem markaðsstjóri Nova og WOW air, markaðsstjóri Icelandair í Bretlandi og sem vörumerkjastjóri Icelandair á Íslandi. Hann var stjórnarformaður ÍMARK og er annar höfundur bókarinnar Markaðssetning á netinu.

Allar nánari upplýsingar gefur Klara: klara@markadsakademian.is.

Samstarfsaðilar: