Auglýsingakerfi Facebook

Lærðu að verða ofurnotandi á auglýsingakerfi Facebook

Námskeið Markaðsakademíunnar í samstarfi við Íslandsstofu kennir þátttakendum að ná meiri árangri með auglýsingum á Facebook og Instagram. Þátttakendur öðlst mjög hagnýta þekkingu á að beita tæknilegum auglýsingaaðferðum Facebook og djúpan skilning á öllum þeim eiginleikum sem auglýsingakerfið býður uppá.

Áfanginn er einnig í boði í fjarnámi, sjá hér.

Vinnustofan byrjar á stuttum fyrirlestri en svo fara þátttakendur með kennurum inn í Facebook Business Manager þar sem farið er lið fyrir lið yfir alla þá öflugu þætti sem auglýsingakerfi Facebook býður uppá.

Næstu námskeið:

  • Reykjavík, 23. ágúst, kl 8.30 til 15:30. CenterHotel Miðgarður, Laugavegi 120. 
  • Reyjavík, 25. nóvember, kl 8.30 til 15:30. CenterHotel Miðgarður, Laugavegi 120. 
  • Akureyri, 29. nóvember, kl 8.30 til 15:30. Háskólanum á Akureyri.
  • Verð: 59.900 kr. per. þátttakanda. Innifalið er matur og kaffiveitingar ásamt námskeiðsgögnum. Mörg stéttarfélög veita styrk fyrir allt að 90% af námskeiðsgjaldi. Hópafsláttur er veittur ef þrír eða fleiri skrá sig saman. 

Á námskeiðinu er m.a. fjallað um:

  • Hvernig hægt er að ná meiri árangri fyrir minna fjármagn með Facebook

  • Hvernig hægt er að búa til öflugri markhópa bæði með því að nota Audience Insight og eigin gögn

  • Hvernig hægt er að sjálfvirknivæða auglýsingar svo kerfið framleiði jafnvel hundruð mismunandi samsetningar af auglýsingum, fyrir mismunandi markhópa, með algrímu Facebook.
  • Hvernig hægt er að tengja auglýsingakerfi Facebook við vefverslanir og sjálfvirknivæða auglýsingar
  • Hvernig Facebook Pixel virkar og hvernig hægt er að nota hann til að ná meiri árangri með Facebook auglýsingum og gera betri greiningar með Analytics hluta Business Manager

  • Hvernig við getum búið til betri Facebook og Instagram auglýsingar með myndum og texta sem skila meiri árangri


Fyrir hverja:

Framkvæmdastjóra, markaðsstjóra, vörumerkjastjóra og aðra stjórnendur og starfsmenn sem koma að stjórnun markaðsmála og vilja efla færni sína og þekkingu við notkun Facebook auglýsingakerfisins.
 
Þátttakendur verða OFUR-notendur á Business Manager Facebook að loknu námskeiði.

Kennarar:

Tryggvi Freyr Elínarson, framkvæmdastjóri Datera, sem sérhæfir sig í gagnadrifnum og sjálfvirkum markaðssamskiptum.
Guðmundur Arnar Guðmundsson, markaðsráðgjafi og stundakennari við Háskólann í Reykjavík. (sjá nánar)

Skrá mig

Námskeið framundan