Fjarnám - Auglýsingakerfi Facebook

Námskeiðið kennir þátttakendum að ná meiri árangri með auglýsingum á Facebook og Instagram. Þátttakendur öðlast mjög hagnýta þekkingu á að beita tæknilegum auglýsingaaðferðum Facebook og djúpan skilning á öllum þeim eiginleikum sem auglýsingakerfið býður uppá. Ennfremur fá þátttakendur tengla á hin ýmsu tól á netinu og ítarefni sem hjálpar þeim við markaðsstarfið.

Áfanginn er einnig í boði í staðarnámi, sjá hér.

Námskeiðið er í þrettán myndböndum, alls tæplega fimm klukkustunda langt. Þátttakendur geta horft og lært hvenær og hvar sem þeim hentar. Jafnframt á þeim hraða sem þeir kjósa því þátttakendur hafa aðgang að námskeiðinu í sex mánuði (og geta horft, og lært, eins oft og þeir kjósa).

  • Kynningarverð í takmarkaðan tíma: 39.900 kr.  
  • Mörg stéttarfélög veita styrk fyrir allt að 90% af námskeiðsgjaldi.  

Á námskeiðinu er m.a. fjallað um:

  • Hvernig hægt er að ná meiri árangri fyrir minna fjármagn með Facebook.
  • Hvernig hægt er að búa til öflugri markhópa bæði með því að nota Audience Insight og eigin gögn.
  • Hvernig Ad manager virkar.
  • Hvernig hægt er að sjálfvirknivæða auglýsingar svo kerfið framleiði jafnvel hundruð mismunandi samsetningar af auglýsingum, fyrir mismunandi markhópa, með algrímu Facebook.
  • Hvernig hægt er að tengja auglýsingakerfi Facebook við vefverslanir og sjálfvirknivæða auglýsingar.
  • Hvernig Facebook Pixel virkar og hvernig hægt er að nota hann til að ná meiri árangri með Facebook auglýsingum og gera betri greiningar með Analytics hluta Business Manager.
  • Hvernig við getum búið til betri Facebook og Instagram auglýsingar með myndum og texta sem skila meiri árangri.

Kennari:

Tryggvi Freyr Elínarson, framkvæmdastjóri Datera, sem sérhæfir sig í gagnadrifnum og sjálfvirkum markaðssamskiptum. Fáir hafa jafn mikla reynslu og þekkingu og Tryggvi á markaðssetningu á netinu en hann hefur séð um stafrænar herferðir fyrir mörg stærstu og framsæknustu fyrirtæki Íslands.

Fyrir hverja:

Framkvæmdastjóra, markaðsstjóra, vörumerkjastjóra og aðra stjórnendur og starfsmenn sem koma að stjórnun markaðsmála og vilja efla færni sína og þekkingu við notkun Facebook auglýsingakerfisins.
 
Þátttakendur verða OFUR-notendur á Business Manager Facebook að loknu námskeiði.

Af hverju fjarnám:

  • Lærðu á þínum hraða, hvar og hvenær sem er. Til dæmis á ferðalagi eða í smá skömmtum á meðan þú vinnur í auglýsingaherferðum fyrirtækisins.
  • Hægt er að senda kennara spurningar á meðan þátttakendur eru skráðir á námskeiðið.
  • Námskeiðsefnið samanstendur af myndböndum með fyrirlestrum ásamt greinum, tenglum og öðru ítarefni.
  • Þátttakendur fá útskriftarskjal þegar áfanginn er kláraður sem hægt er að sýna í launaviðtali eða þegar sótt er um nýtt starf.

Ef þú vilt skrá þig og fá reikning í heimabanka eða fá frekari upplýsingar hafðu þá samband við Guðmund Arnar, gudmundur@markadsakademian.is

Skrá mig

Námskeið framundan