Markaðsakademían

Ofurþjónusta

Að skapa einstaka og eftirminnilega þjónustuupplifun fyrir viðskiptavini er lykilþáttur í árangri fyrirtækja. Góð þjónusta er í dag orðin sjálfsagður hlutur og verða því fyrirtæki að ganga mun lengra til að skara framúr. Þau þurfa að bjóða ofurþjónustu.  Fyrirtæki sem fara framúr væntingum uppskera ekki aðeins endurtekin kaup heldur laða ánægðir viðskiptavinir nýja inn, með því að segja frá upplifun sinni á netinu og í raunheimum. Lykillinn að meðmælum er að fara framúr væntingum og búa til jákvæða, einstaka og minnistæða upplifun fyrir viðskiptavini.

Á námskeiðinu er farið á hagnýtan hátt yfir það hvernig fyrirtæki geta skapað sér sérstöðu með ofurþjónustu. Í því samhengi er litið til þeirrar aðferðafræði sem farsæl fyrirtæki nota til að skapa sér sérstöðu, hvetja starfsfólk sitt til að ganga skrefinu lengra og uppskera fyrir vikið aukna sölu og ánægju.

Rýnt er í fjölmörg hagnýt dæmi frá íslenskum og erlendum fyrirtækjum sem þátttakendur geta innleitt strax í sínum störfum. Þá er farið yfir stefnumarkandi nálgun og mögulegar aðgerðir. Leitast er við að svara því hvað framúrskarandi fyrirtæki eru nákvæmlega að gera til að ná árangri í þjónustu, og hvernig.

Kynnt er hvernig Disney, Apple, Starbucks, Nordstrom, Ritz Carlton, fyrirtækin sem skora hæst í Íslensku ánægjuvoginni og fleiri farsæl þjónustufyrirtæki haga sínum málum.

Næstu námskeið:

  • Akureyri: 19. ágúst, milli kl 17:00 og 21:00. Háskólanum á Akureyri.
  • Reykjavík: 10. október, milli kl 17:00 og 21:00. Center Hotel Plaza við Ingólfstorg.
  • Kennari: Guðmundur Arnar Guðmundsson, markaðsráðgjafi og stundakennari við Háskólann í Reykjavík. (Nánar)
  • Verð: 39.900 kr. per. þátttakanda. Innifalið er súpa og kaffiveitingar ásamt námskeiðisgögnum. Mörg stéttarfélög veita styrk fyrir allt að 90% af námskeiðsgjaldi.  (Greiðsluskilmálar)

Á námskeiðinu er m.a. fjallað um:

  • Hvernig við sköpum ofurþjónustu
  • Mikilvægi vörumerkja, breytt kaupferli og samskipti á samfélagmiðlum, ásamt því hvernig neytendur skynja og meta samskipti fyrirtækja.
  • Hvernig Disney, Blue ocean og Uncommon Service aðferðafræðin getur hjálpað okkur að skapa sérstöðu.
  • Ferli við að skapa einstaka þjónustuupplifun fyrir viðskiptavini með því að huga að öllum snertipunktum.
  • Hvernig við getum virkjað og hjálpað starfsfólki fyrirtækisins að skilja mikilvægi þess að fara fram úr væntingum.
  • Eftirfylgni, hvatningu og hvernig við getum mælt árangurinn.

Námskeiðið er fyrst og fremst hagnýtt og uppfullt af raunsögum. Jafnframt eru kynntar fjölmargar bækur og aðferðafræði við að skapa ofurþjónustu.  T.a.m. frá Disney management institute, Blue ocean startegy, Uncommon service,  Union square hospitality group, Fish!, The experience econommy, Ideo: Design thinking og Ritz carlton leadership center o.fl.

Fyrir hverja:

Námskeiðið er fyrir alla sem stjórna, móta eða hafa áhrif á þjónustuupplifun viðskiptavina fyrirtækja af öllum stærðum, og í öllum atvinnugreinum. Hér má finna lista yfir hluta þeirra fjölmörgu fyrirtækja sem sent hafa starfsmenn á námskeiðin.

Um Markaðsakademíuna

Markaðsakademían hjálpar fyrirtækjum að ná meiri árangri. Við höfum boðið uppá regluleg markaðs- og þjónustunámskeið í rúm 9 ár. Starfsmenn frá nánast öllum 300 stærstu fyrirtækjum Íslands hafa verið þátttakendur ásamt starfsmönnum úr miklum fjölda minni fyrirtækja, út um allt land og úr öllum atvinnugreinum. Í heildina hafa á þriðja þúsund manns sótt námskeiðin.
 
Þjónusta Markaðsakademíunnar er þríþætt:
  • Skipulögð markaðs- og þjónustunámskeið á höfuðborgarsvæðinu og landsbyggðinni

  • Klæðskerasniðin fræðsla og fyrirlestrar fyrir fyrirtæki, á íslensku og ensku

  • Mentor aðstoð sem hjálpar stjórnendum og markaðsfólki að ná meiri árangri í sínum störfum

Námskeið framundan:

Stjórnun markaðsstarfs - 3. júní - (Nokkur sæti laus)

Auglýsingakerfi Facebook - 20. júní

Ofurþjónustunámskeið (Akureyri) - 19. ágúst

Ritz Carlton vinnustofa - 12. september (takmarkað sætaframboð)

Ofurþjónustunámskeið - 10. október